ചെന്നൈ: തമിഴ്‌നാട്ടിലെ മണല്‍ ഖനന വ്യവസായി ജെ. ശേഖര്‍ റെഡ്ഡിക്ക് മദ്രാസ് ഹൈക്കോടതി ഉപാധികളോടെ ജാമ്യമനുവദിച്ചു. സാമ്പത്തിക തട്ടിപ്പുകേസില്‍ അദ്ദേഹത്തോടൊപ്പം അറസ്റ്റ് ചെയ്യപ്പെട്ട മറ്റു കൂട്ടാളികള്‍ക്കും ജാമ്യം നല്‍കിയിട്ടുണ്ട്.
ശേഖര്‍ റെഡ്ഡിയെയും അദ്ദേഹത്തിന്റെ കൂട്ടാളികളായ കെ. ശ്രീനിവാസുലു, പി. കുമാര്‍ എന്നിവരെയും കഴിഞ്ഞ മാര്‍ച്ചിലാണ് സാമ്പത്തിക തട്ടിപ്പ് നിരോധന നിയമപ്രകാരം എന്‍ഫോഴ്‌സ്‌മെന്റ് ഡയരക്ടറേറ്റ്(ഇ.ഡി) അറസ്റ്റ് ചെയ്തത്. അന്വേഷണത്തിന്റെ ഭാഗമായി ഇവരുടെ 34 കോടി രൂപ വരുന്ന സ്വത്തുക്കളും കണ്ടുകെട്ടിയിട്ടുണ്ട്.