HOME
DETAILS

കൊണ്ടോട്ടി നഗരാരോഗ്യകേന്ദ്രം ഉദ്ഘാടനം ചെയ്തു ആരോഗ്യ മേഖലയില്‍ ജനകീയ മാറ്റങ്ങളുണ്ടാകും: മന്ത്രി കെ.കെ ശൈലജ

  
backup
July 25 2016 | 21:07 PM

%e0%b4%95%e0%b5%8a%e0%b4%a3%e0%b5%8d%e0%b4%9f%e0%b5%8b%e0%b4%9f%e0%b5%8d%e0%b4%9f%e0%b4%bf-%e0%b4%a8%e0%b4%97%e0%b4%b0%e0%b4%be%e0%b4%b0%e0%b5%8b%e0%b4%97%e0%b5%8d%e0%b4%af%e0%b4%95%e0%b5%87%e0%b4%a8

കൊണ്ടോട്ടി: സംസ്ഥാനത്ത് ആരോഗ്യ മേഖലയില്‍ ജനകീയ മറ്റങ്ങളുണ്ടാകുമെന്ന് ആരോഗ്യ മന്ത്രി കെ.കെ ശൈലജ പറഞ്ഞു. കൊണ്ടോട്ടി നഗരസഭയില്‍ പുതുതായി അനുവദിച്ച നഗരാരോഗ്യകേന്ദ്രം മുസ്‌ലിയാരങ്ങാടിയില്‍ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ജില്ലാ ആശുപത്രികള്‍ സൂപ്പര്‍ സ്‌പെഷ്യാലിറ്റി ആശുപത്രികളാക്കും. മെഡിക്കല്‍ കോളജുകളില്‍ കൂടുതല്‍ സൗകര്യങ്ങളേര്‍പ്പെടുത്തും.കൊണ്ടോട്ടി പി.എച്ച്.സി താലൂക്ക് ആശുപത്രിയാക്കി ഉയര്‍ത്തുമെന്നും അവര്‍ പറഞ്ഞു.
ടി.വി ഇബ്രാഹീം എംഎല്‍എ അധ്യക്ഷനായി. മുസ്‌ലിയാരങ്ങാടിയില്‍ വാടക കെട്ടിടത്തിലാണ് പുതിയ നഗരാരോഗ്യ കേന്ദ്രം പ്രവര്‍ത്തിക്കുന്നത്. ഇതിന് സ്ഥിരം കെട്ടിടത്തിനായി പ്രദേശവാസി അയ്യാടന്‍ ഷാഹുല്‍ ഹമീദ് സൗജന്യമായി 10 സെന്റ് നല്‍കാമെന്നേറ്റിട്ടുണ്ട്. ഇതിന്റെ കരാര്‍ പത്രം നഗരസഭ ചെയര്‍മാന്‍ സി.കെ നാടിക്കുട്ടി ചടങ്ങില്‍ ഏറ്റുവാങ്ങി. നഗരസഭ വൈസ് ചെയര്‍പേഴ്‌സണ്‍ കൂനയില്‍ നഫീസ, കൗണ്‍സിലര്‍മാരായ പി.അഹമ്മദ് കബീര്‍, അഡ്വ.കെ.കെ സമദ്, പി.അബ്ദുറഹ്മാന്‍, ചുക്കാന്‍ ബിച്ചു, കെ.കെ അസ്മാബി, കെ.കെ ആലിബാപ്പു, പുലത്ത് കുഞ്ഞു, പി.അറുമുഖന്‍ സംസാരിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."