കൊച്ചി: മുഖ്യമന്ത്രിയുടെ മുന്‍ ഐ.ടി സെക്രട്ടറി എം.ശിവശങ്കറിന് സ്വര്‍ണക്കടത്ത് കേസില്‍ തിരിച്ചടി. അദ്ദേഹം സമര്‍പ്പിച്ച മുന്‍കൂര്‍ ജാമ്യ ഹരജികള്‍ തള്ളി. ഇ.ഡി കസ്റ്റംസ് കേസുകളിലാണ്  മുന്‍കൂര്‍ ജാമ്യ ഹരജികളാണ് തള്ളിയത്.
ഇനി അടുത്തത് അറസ്റ്റു തന്നെയാണ്. ഇ.ഡി അടുത്തകാലത്തായി സമര്‍പ്പിച്ച പല കുറ്റപത്രങ്ങളിലും ശിവശങ്കറിന്റെ പങ്കാളിത്വത്തെക്കുറിച്ചുള്ള വിശദവിവരങ്ങളാണുള്ളത്. അതുകൊണ്ടുതന്നെ അദ്ദേഹത്തിന്റെ മുമ്പിലുള്ള എല്ലാവാതിലുകളും അടയുകയാണ്. ഇപ്പോള്‍ എം. ശിവശങ്കര്‍ സ്വകാര്യ ആയൂര്‍വേദ ആശുപത്രിയില്‍ ചികിത്സയിലാണുള്ളത്.

അതേ സമയം സര്‍ക്കാരും പ്രതിരോധത്തിലാവുകയാണ്. എന്തൊക്കെയായാലും മുഖ്യമന്ത്രി പിണറായി വിജയന്റെ ഓഫിസുതന്നെയാണ് സംശയനിഴലില്‍ ആകുന്നത്. ഇതുവരേ ഉയര്‍ന്നതെല്ലാം ആരോപണങ്ങളായിരുന്നു. എന്നാല്‍ പലതിലും ശിവശങ്കറിനും മുഖ്യമന്ത്രിയുടെ ഓഫിസിലുള്ളവര്‍ക്കും പങ്കുണ്ടെന്നതിന്റെ സൂചനകള്‍ തന്നെയാണ് നല്‍കുന്നത്. എന്നാല്‍ അന്വേഷണ ഏജന്‍സികള്‍ ശരിയായ ദിശയിലൂടെയാണ് കടന്നുപോകുന്നതെന്ന് പറയുന്ന സി.പി.എമ്മും മുഖ്യമന്ത്രിയും ഇനി എന്തു പറയുമെന്നറിയാനാണ് കേരളം കാത്തിരിക്കുന്നത്.