മരട്: ബസില്‍ യാത്രചെയ്യവേ യുവതിയുടെ പെഴ്‌സില്‍ നിന്നും പണം മോഷണം പോയി.
നെട്ടൂര്‍ ചന്തപ്പാലത്തിനു സമീപം താമസിക്കുന്ന യുവതിയുടെ ബാഗിലെ പേഴ്‌സില്‍ സൂക്ഷിച്ചിരുന്ന പണമാണ് ഇന്നലെ നഷ്ടപ്പെട്ടത്. ബാഗിലെ സിബ് തുറന്ന് പണമെടുത്ത ശേഷം പേഴ്‌സ് ബാഗില്‍ തന്നെ ഉപേക്ഷിച്ചു.
ഇന്നലെ രാവിലെ ഒന്‍പതേകാലോടെ നെട്ടൂര്‍ പരുത്തിച്ചുവട് ബസ് സ്റ്റോപ്പില്‍ നിന്നും കുണ്ടന്നൂര്‍ ബണ്ട് സ്റ്റോപ്പിലേക്ക് ബസില്‍ കയറിയ യുവതി ടിക്കറ്റെടുത്ത ശേഷം പേഴ്‌സ് ബാഗിലേക്ക് ഇട്ട് ബാഗ് പൂട്ടുകയും ചെയ്തു. ജോലി സ്ഥലത്ത് എത്തിയപ്പോഴാണ് ബാഗ് തുറന്നു കിടക്കുന്നത് ശ്രദ്ധയില്‍ പെട്ടത്.  പേഴ്‌സ് നഷ്ടപ്പെടാതിരുന്നതു കൊണ്ട് കാര്യമാക്കിയതുമില്ല.
വൈകുന്നേരം പേഴ്‌സ് തുറന്നു നോക്കിയപ്പോഴാണ് എഴുന്നൂറോളം രൂപ നഷ്ടപ്പെട്ടതായി മനസ്സിലായത്. ബസില്‍ പത്തു മിനിട്ടു കൊണ്ടെത്താവുന്ന നാലു സ്റ്റോപ്പുകള്‍ മാത്രമുള്ള മൂന്നര കിലോമീറ്റര്‍ ദൂരത്തിനിടയിലാണ് മോഷണം നടന്നത്.