തമിഴ്നാട് ട്രാന്സ്പോര്ട്ട് ജീവനക്കാര് പണിമുടക്ക് തുടങ്ങി
ഗൂഡല്ലൂര്: വിവിധ ആവശ്യങ്ങളുന്നയിച്ച് തമിഴ്നാട് ട്രാന്സ്പോര്ട്ട് ബസ് ജീവനക്കാര് സംസ്ഥാന വ്യാപകമായി പണിമുടക്ക് ആരംഭിച്ചു. സമരത്തിന്റെ ഭാഗമായി നീലഗിരി ജില്ലയിലും തൊഴിലാളികള് പണിമുടക്കിയത് യാത്രക്കാരെ വലച്ചു.
55 ഡിപ്പോകളില് നിന്നായി ഇരുപത്തി മൂന്നായിരം ബസുകള് തമിഴ്നാടിന്റെ വിവിധ ഭാഗങ്ങളില് സര്വിസ് നടത്തുന്നുണ്ട്. ഇതില് പതിനേഴായിരത്തോളം ബസുകള് കാലാവധി കഴിഞ്ഞവയാണ്. നാല്പത് ലക്ഷത്തോളം സ്കൂള്,കോളജ്വിദ്യാര്ഥികള് തുടങ്ങി വിവിധ രീതിയില് ലക്ഷക്കണക്കിന് യാത്രാ പാസുകളും സര്ക്കാര് നല്കുന്നുണ്ട്.
ഈ സംഖ്യകളെല്ലാം കോര്പറേഷന് നല്കാമെന്ന് പറയുന്നതല്ലാതെ ഇത് വരെ ഒന്നും നല്കിയിട്ടില്ല. ഇതിനാല് പുതിയ ബസുകള് വാങ്ങാനോ തൊഴിലാളികള്ക്ക് ആനുകൂല്യങ്ങള് നല്കാനോ കഴിയുന്നില്ല.
പല സമരങ്ങളും നടത്തിയെങ്കിലും ഒരു പരിഹാരവും കാണാത്തതിനാലാണ് ഇന്നലെ മുതല് അനിശ്ചിതകാല സമരം നടത്താന് തൊഴിലാളികള് നിര്ബന്ധിതരായതെന്ന് വിവിധ ട്രേഡ് യൂനിയന് വിതരണം ചെയ്ത നോട്ടിസില് വ്യക്തമാക്കുന്നുണ്ട്. .
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."