വടകര: വിദ്യാഭ്യാസത്തിന്റെ എല്ലാ മേഖലകളിലും രാഷ്ട്രീയവല്‍ക്കരണം നടത്തി മൂല്യങ്ങള്‍ തകര്‍ക്കുന്നത് ആശങ്കാജനകമാണെന്ന് കേരളാ സ്‌കൂള്‍ ടീച്ചേഴ്‌സ് യൂനിയന്‍ (കെ.എസ്.ടി.യു) കോഴിക്കോട് റവന്യു ജില്ലാ ലീഡേഴ്‌സ് ക്യാംപ് പ്രമേയത്തിലൂടെ അഭിപ്രായപ്പെട്ടു.
വിദ്യാഭ്യാസ വകുപ്പില്‍ ശാസ്ത്രസാഹിത്യ പരിഷത്തിന്റെ അനിയന്ത്രിതമായ ഇടപെടലും ഡി.പി.ഇ.പിയിലേക്ക് തിരിച്ചുപോകാനുള്ള നീക്കവും പ്രതിഷേധാര്‍ഹമാണെന്ന് പ്രമേയം കുറ്റപ്പെടുത്തി.
വടകര കോട്ടക്കല്‍ കുഞ്ഞാലി മരക്കാര്‍ ഹയര്‍ സെക്കന്‍ഡറി സ്‌കൂളില്‍ നടന്ന ക്യാംപ് സംസ്ഥാന പ്രസിഡന്റ് സി.പി ചെറിയ മുഹമ്മദ് ഉദ്ഘാടനം ചെയ്തു. ജില്ലാ പ്രസിഡന്റ് ടി.പി ഗഫൂര്‍ അധ്യക്ഷനായി. സംസ്ഥാന സീനിയര്‍ വൈസ് പ്രസിഡന്റ് വി.കെ മൂസ മുഖ്യപ്രഭാഷണം നടത്തി.
തിക്കോടി പഞ്ചായത്ത് പ്രസിഡന്റ് സി. ഹനീഫ, പയ്യോളി മുനിസിപ്പല്‍ മുസ്‌ലിം ലീഗ് പ്രസിഡന്റ് അഷ്‌റഫ് കോട്ടക്കല്‍, കെ.എസ്.ടി.യു സംസ്ഥാന സെക്രട്ടറിമാരായ പി.കെ അസീസ്, എം.പി.കെ കുഞ്ഞഹമ്മദ് കുട്ടി, കോട്ടക്കല്‍ മുസ്‌ലിം ലീഗ് പ്രസിഡന്റ് അബ്ദുറഹ്മാന്‍ പ്രസംഗിച്ചു. ജില്ലാ ജനറല്‍ സെക്രട്ടറി കെ.എം.എ നാസര്‍ സ്വാഗതവും ട്രഷറര്‍ കെ. അബ്ദുലത്തീഫ് നന്ദിയും പറഞ്ഞു.
സംഘടനാ സെഷനില്‍ കെ.എസ്.ടി.യു സംസ്ഥാന ജനറല്‍ സെക്രട്ടറി എ.കെ സൈനുദ്ദീന്‍ ആമുഖ പ്രഭാഷണം നടത്തി. എ.പി അസീസ്, ഒ.കെ കുഞ്ഞബ്ദുല്ല, കല്ലൂര്‍ മുഹമ്മദലി, എം.പി അബ്ദുറസാഖ്, കിളിയമ്മല്‍ കുഞ്ഞബ്ദുള്ള, സി. റഹീന പ്രസംഗിച്ചു.
വിവിധ വിഷയങ്ങളില്‍ ഡോ. ശശികുമാര്‍ പാലേരി, സിന്ധു അനൂപ് ക്ലാസെടുത്തു. സി.എച്ച് മൊയ്തു, എം.പി അബ്ദുല്‍ ഹമീദ്, അസീസ് മുക്കം, ഫൈസല്‍ പടനിലം, എ.കെ കൗസര്‍, വി.കെ മുഹമ്മദ്, റഷീദ്, കെ.വി കുഞ്ഞമ്മദ്, പി.പി ജാഫര്‍, എ മൊയ്തീന്‍, ടി. ഹമീദ് സംസാരിച്ചു.
പി.കെ.എം സഈദ് വിഷയമവതരിപ്പിച്ചു. എ. കാസിം, ടി.കെ മുഹമ്മദ് റിയാസ്, പി.സി സഫ്‌വാന്‍, എന്‍.കെ സലിം പ്രസംഗിച്ചു.