ഗാസിയാബാദ്: കരച്ചില്‍ നിര്‍ത്താത്തതിനെ തുടര്‍ന്ന് നാലു വയസുകാരിയെ അച്ഛന്‍ ശ്വാസംമുടിച്ച് കൊന്നു. ഉത്തര്‍പ്രദേശിലെ ഗാസിയാബാദിലാണ് സംഭവം. സംഭവത്തില്‍ അച്ഛന്‍ വാസുദേവ് ഗുപ്തയെ പൊലിസ് അറസ്റ്റ് ചെയ്തു.

ഓട്ടോറിക്ഷ ഡ്രൈവറായ വാസുദേവ് ഭാര്യയ്ക്കും മകള്‍ക്കുമൊപ്പം ഖോദ കോളനിയിലെ വാടകവീട്ടിലാണ് വര്‍ഷങ്ങളായി കഴിയുന്നത്. അദ്ദേഹത്തിന്റെ ഭാര്യ നോയിഡയിലെ സ്പായിലാണ് ജോലി ചെയ്യുന്നത്.

എന്നാല്‍ ഭാര്യ 20 ദിവസം മുന്‍പ് ഇയാളുമായി തര്‍ക്കമുണ്ടായതിനെ തുടര്‍ന്ന് മൂന്നു വയസുകാരന്‍ മകനെയും കൂട്ടി വീടുവിട്ടിറങ്ങി. ഇതോടെ നാലു വയസുകാരി മകള്‍ വാസുദേവയ്‌ക്കൊപ്പമായി.