സാലറി ചലഞ്ച്: വിവേചനമുണ്ടാകില്ലെന്ന് മന്ത്രി തോമസ് ഐസക്
കോട്ടയം: ഒരു മാസത്തെ ശമ്പളം ദുരിതാശ്വാസ നിധിയിലേക്കു സംഭാവന ചെയ്യാതിരിക്കുന്നതിന്റെ പേരില് ഒരാളും വിവേചനത്തിനു വിധേയമാകില്ലെന്നും ശമ്പളം തരില്ലെന്നു തീരുമാനിക്കാന് ആരും അധൈര്യപ്പെടേണ്ടെന്നും ധനമന്ത്രി ഡോ. ടി.എം തോമസ് ഐസക്. കോട്ടയം ജില്ലയിലെ ധനസമാഹരണ യജ്ഞത്തില് പങ്കെടുത്ത് സംസാരിക്കുകയായിരുന്നു അദ്ദേഹം.
നിത്യവേലക്കാരായ കേരളത്തിലെ ജനങ്ങള്ക്കു കഴിഞ്ഞ ഒരു മാസം വരുമാനമുണ്ടായിട്ടില്ല. കെട്ടിടനിര്മാണ തൊഴിലാളികള്, പരമ്പരാഗത വ്യവസായ തൊഴിലാളികള്, കര്ഷക തൊഴിലാളികള്, ചെറുകിട കൃഷിക്കാര് തുടങ്ങി ഓരോ വിഭാഗത്തിലും നല്ലൊരു പങ്ക് പേരുടെയും ജീവിതം സാധാരണ ഗതിയിലാകാന് സമയമെടുക്കും. എന്നാല്, സംഘടിത മേഖലയിലെ മാസ ശമ്പളക്കാരുടെ സ്ഥിതി അതല്ലെന്നും അവരുടെ ശമ്പളത്തില് ഒരു കുറവും വരുന്നില്ലെന്നും അടുത്ത പത്തു മാസം മൂന്നു ദിവസത്തെ ശമ്പളംവച്ച് സംഭാവനയായി നല്കാന് അഭ്യര്ഥിച്ചതിന്റെ പശ്ചാത്തലം ഇതാണെന്നും മന്ത്രി പറഞ്ഞു.
ഒരു മാസത്തെ ശമ്പളം നല്കാനും നല്കാതിരിക്കാനുമുള്ള സ്വാതന്ത്ര്യം ജീവനക്കാര്ക്കുണ്ടെങ്കിലും അതു വേണ്ടെന്നുവയ്പിക്കാന് കണ്വന്ഷനുകളും പ്രകടനങ്ങളും നടത്തുന്നവര് ചെയ്യുന്നതു ജനദ്രോഹമാണ്.
2002ല് ഇതുപോലൊരു ദുരന്തമോ പ്രതിസന്ധിയോ ഇല്ലാതിരുന്നിട്ടും ലീവ് സറണ്ടര് അടക്കമുള്ള ആനുകൂല്യങ്ങള് വേണ്ടെന്നുവച്ചതു യു.ഡി.എഫ് സര്ക്കാരായിരുന്നെന്നും ഐസക് ചൂണ്ടിക്കാട്ടി.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."