അബുദാബി: ടീമിനെ അടുത്ത തലമുറയ്ക്ക് കൈമാറേണ്ട സമയമായെന്ന് കിങ്‌സ് ഇലവന്‍ പഞ്ചാബിനെതിരെ ഒന്‍പത് വിക്കറ്റ് വിജയം നേടിയെങ്കിലും മുന്‍പേ പുറത്തായ ചെന്നൈ സൂപ്പര്‍ കിങ്ങ്‌സിന്റെ ക്യാപ്റ്റന്‍ എം.എസ് ധോനി. അടുത്ത വര്‍ഷത്തേക്കുള്ള ടീമില്‍ പൂര്‍ണമായ മാറ്റം ആവശ്യമാണെന്നും ധോനി പറഞ്ഞു.

യു.എ.ഇയില്‍ നടക്കുന്ന ഇപ്രാവശ്യത്തെ ഐ.പി.എല്‍ സീസണില്‍ തുടക്കം മുതല്‍ മോശം പ്രകടനം മാത്രം കാഴ്ചവച്ച ചെന്നൈ സൂപ്പര്‍ കിങ്‌സ് നേരത്തെ തന്നെ ഐ.പി.എല്ലില്‍ നിന്ന് പുറത്തായിരുന്നു. എന്നാല്‍ ഇന്ന് നടന്ന അവസാന മത്സരത്തില്‍ പഞ്ചാബിനെ തോല്‍പ്പിച്ചാണ് നാട്ടിലേക്ക് തിരിച്ചുവരുന്നത്. ഇതോടെ പ്ലേ ഓഫ് സ്വപ്‌നവുമായി കളത്തിലിറങ്ങിയ പഞ്ചാബിനും പുറത്തായി നാട്ടിലേക്ക് മടങ്ങേണ്ടിവന്നു.