ഉരുവച്ചാല്‍: മട്ടന്നൂര്‍ നഗരസഭയിലെ ഉരുവച്ചാല്‍ വാര്‍ഡിലേക്കുള്ള ഉപതെരഞ്ഞെടുപ്പ് ഇന്ന് നടക്കും. രാവിലെ എഴുമണി മുതല്‍ വൈകുന്നേരം അഞ്ചുവരെയാണ് പൊളിംങ് നടക്കുക.
പഴശ്ശി ഗവ. എല്‍.പി. സ്‌കൂളിലെ പോളിങ് ബൂത്തില്‍ തിരഞ്ഞെടുപ്പിനുള്ള ക്രമീകരണങ്ങള്‍ പൂര്‍ത്തിയായി. നിലവിലെ കൗണ്‍സിലര്‍ കോടഞ്ചേ രി രാജന്‍ മരണ പ്പെട്ടതിനെ തുടര്‍ന്നാണ് ഉപതിരത്തെടുപ്പ് നടക്കുന്നത്. എല്‍.ഡി.എഫ് സ്ഥാനാര്‍ഥി എ.കെ സുരേഷ് കുമാറും. യു.ഡി.എഫ്. സ്ഥാനാര്‍ഥി കെ.കെ അബ്ദുല്‍ സലാമും, ബി.ജെ.പി സ്ഥാനാര്‍ഥി റീന മനോഹരന്‍ എന്നിവരാണ് മത്സരിക്കുന്നത്.
സംഘര്‍ഷ സാധ്യത കണക്കിലെടുത്ത് ഇരിട്ടി ഡിവൈ.എസ്.പി പ്രജീഷ് തോട്ടത്തില്‍,മട്ടന്നൂര്‍ സി.ഐ  ജോണിന്റെയും, എസ്.ഐ എ.വി ദിനേശന്റെയും നേതൃത്വത്തില്‍ വന്‍ പൊലിസ് സന്നാഹം ഉരുവച്ചാലില്‍ ക്യാമ്പ് ചെയ്തിട്ടുണ്ട്. ഇന്നലെ വൈകുന്നേരം ഉരുവച്ചാല്‍ ടൗണില്‍ പൊലിസ്‌റൂട്ട് മാര്‍ച്ച് നടത്തി.