തളിപ്പറമ്പ്: ശ്രീലങ്കയിലെ പ്രാദേശിക ഗവണ്‍മെന്റുകളെ ശക്തിപ്പെടുത്താന്‍ കില ഡയരക്ടരായിരുന്ന ഡോ. പി.പി ബാലന്റെ സേവനം ശ്രീലങ്കന്‍ സര്‍ക്കാര്‍ ഉപയോഗപ്പെടുത്തും. ഇതിനായി ശ്രീലങ്കന്‍ പ്രാദേശിക ഭരണ മന്ത്രാലയം ഉപദേശകനായി അദ്ദേഹത്തെ നിയമിച്ചു. കില ഡയരക്ടറായിരിക്കെ നിരവധി ശ്രീലങ്കന്‍ പ്രാദേശിക ഭരണ വകുപ്പ് ഉദ്യോഗസ്ഥര്‍ കിലയില്‍ പരിശീലനത്തി ന് എത്തിയിരുന്നു. കില ഡയരക്ടറായി ഡോ. ജോയ് ഇളമണിനെ നിയമിച്ചതിനെതുടര്‍ന്ന് അദ്ദേഹം ചാര്‍ജെടുത്ത ശേഷം ജൂണ്‍ ആദ്യവാരം ശ്രീലങ്കയില്‍ ചുമതലയേല്‍ക്കാനാണ് ഉദ്ദേശിക്കുന്നതെന്ന് ഡോ. പി.  പി ബാലന്‍ പറഞ്ഞു. അഞ്ച് വര്‍ഷം ചണ്ഡിഗഡിലെ ഗ്രാമവ്യവസായ വികസന കേന്ദ്രം ഡയരക്ടറായും പ്രവര്‍ത്തിച്ച ഡോ. ബാലന്‍ കഴിഞ്ഞ ആറ് വര്‍ഷമായി കില ഡയരക്ടറാണ്. കൂവേരി സ്വദേശിയായ ഇദ്ദേഹം വര്‍ഷങ്ങളായി തളിപ്പറമ്പ് തൃച്ചംബരത്താണ് താമസം.