വടകര: റാഗിങിനിരയായ വിദ്യാര്‍ഥിനി ജീവനൊടുക്കിയ കേസില്‍ നാല് വിദ്യാര്‍ഥികളെ പൊലിസ് അറസ്റ്റ് ചെയ്തു. മൂന്ന് ആണ്‍കുട്ടികളേയും ഒരു പെണ്‍കുട്ടിയേയുമാണ് അറസ്റ്റ് ചെയ്തത്. ചെരണ്ടത്തൂര്‍ എംഎച്ച്ഇഎസ് കോളജിലെ വിദ്യാര്‍ഥികളാണ് അറസ്റ്റിലായവര്‍.

കഴിഞ്ഞ ദിവസമാണ് ഇതേ കോളജിലെ രണ്ടാംവര്‍ഷ ബിരുദ മൈക്രോബയോളജി വിദ്യാര്‍ഥിനിയായ അസ്‌നാസ് ആത്മഹത്യ ചെയ്തത്. സീനിയര്‍ വിദ്യാര്‍ഥികളുടെ അപമാനത്തില്‍ മനംനൊന്താണ് അസ്‌നാസ് ആത്മഹത്യ ചെയ്തതെന്ന് ബന്ധുക്കളും നാട്ടുകാരും ആരോപിച്ചിരുന്നു.