കോഴിക്കോട്: എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിച്ച മദീന പാഷന്‍ വിജയശില്‍പ്പികളായ വിഖായ വളണ്ടിയര്‍മാരില്‍ നിന്ന് തിരഞ്ഞെടുക്കപ്പെട്ട പ്രതിനിധികള്‍ ഉംറക്കും മദീന സന്ദര്‍ശനത്തിനുമായി യാത്രതിരിച്ചു.
പരിപാടിയുടെ സ്വാഗതസംഘം ട്രഷറര്‍ ടി.ടി.കെ ഖാദര്‍ ഹാജിയാണ് പ്രവര്‍ത്തകര്‍ക്ക് ഉംറ ചെയ്യാനുള്ള സാമ്പത്തിക സഹായം നല്‍കിയത്.
ജില്ലാ വര്‍. സെക്രട്ടറി നൂറുദ്ദീന്‍ ഫൈസി മുണ്ടുപാറയുടെ നേതൃത്വത്തില്‍ താമരശേരി സഹാറ ഗ്രൂപ്പ് വഴിയാണ് യാത്ര. നാദാപുരത്ത് നടന്ന യാത്രയയപ്പ് സംഗമം സി.എച്ച് മഹ്മൂദ് സഅദി ഉദ്ഘാടനം ചെയ്തു. സയ്യിദ് മുബശിര്‍ തങ്ങള്‍ ജമലുല്ലൈലി അധ്യക്ഷനായി. സയ്യിദ് ടി.പി.സി തങ്ങള്‍ രേഖകള്‍ കൈമാറി. കുഞ്ഞാലന്‍കുട്ടി ഫൈസി ക്ലാസിന് നേതൃത്വം നല്‍കി.
സയ്യിദ് ശറഫുദ്ദീന്‍ ജിഫ്‌രി, ടീ.ടി.കെ ഖാദര്‍ ഹാജി, ടി.എം.വി ഹമീദ്, റാഷിദ് അശ്അരി, ജാബിര്‍ കൈതപ്പൊയില്‍, കോറോത്ത് അഹമ്മദ് ഹാജി, മുഹമ്മദ് പടിഞ്ഞാറത്തറ, ഹിളര്‍ റഹ്മാനി, ജമാല്‍ ഹാജി സംബന്ധിച്ചു. അലി അക്ബര്‍ മുക്കം സ്വാഗതവും ഖാസിം നിസാമി നന്ദിയും പറഞ്ഞു.