ശാസ്താംകോട്ട: കുന്നത്തൂര്‍, ശാസ്താംകോട്ട പഞ്ചായത്തുകളിലൂടെ പോകുന്ന കൊല്ലന്റെമുക്ക്  മുതുപിലാക്കാട് റോഡ് നിര്‍മാണത്തിന് 2.44 കോടി രൂപ അനുവദിച്ചതായി കൊടിക്കുന്നില്‍ സുരേഷ് എം.പി അറിയിച്ചു.
കേന്ദ്രാവിഷ്‌കൃത പദ്ധതിയായ പ്രധാനമന്ത്രി ഗ്രാമീണ്‍ സഡക്ക് യോജനയില്‍ ഉള്‍പ്പെടുത്തിയാണ് റോഡ് നിര്‍മിക്കുന്നത്. 4 കിലോമീറ്റര്‍ നീളമുള്ള റോഡിന്റെ നിര്‍മാണം ഉന്നതനിലവാരത്തിലാണ് നടക്കുന്നത്. ഓട, കലുങ്കുകള്‍, ദിശാഫലക സൂചികകള്‍ തുടങ്ങിയവ ഉള്‍പ്പെടുന്ന റോഡിന്റെ നിര്‍മാണപുരോഗതി വിലയിരുത്താന്‍ ഓരോഘട്ടത്തിലും ബാംഗ്ലൂരില്‍ നിന്നുള്ള കേന്ദ്രസംഘം എത്തിച്ചേരും.  ശാസ്താംകോട്ട ബ്ലോക്കില്‍ നിര്‍മിക്കുന്ന ആറാമത്തെ റോഡാണിത്. ഞാങ്കടവ് പൂമല കോളനി, കണ്ണമം  തെങ്ങമം, കണ്ണമം  പാറക്കടവ്, കുമരംചിറ  കക്കാക്കുന്ന്, കുമരംചിറ  ആലുംമുക്ക് തുടങ്ങിയ റോഡുകളുടെ  നിര്‍മാണം പൂര്‍ത്തീകരിച്ചിട്ടുണ്ട്.