ന്യൂഡല്‍ഹി: നിലപാടുകളിലെ കാര്‍ക്കശ്യം പാര്‍ലമെന്റില്‍ ഒരിക്കല്‍ കൂടി തെളിയിച്ച് ഓള്‍ ഇന്ത്യ മജ്‌ലിസ് ഇ ഇത്തിഹാദുല്‍ മുസ്‌ലിമീന്‍ നേതാവ് അസദുദ്ദീന്‍ ഉവൈസി. തന്റെ സത്യപ്രതിജ്ഞക്കിടെ ജയ് ശ്രീറാം മുദ്രാവാക്യം മുഴക്കി പാര്‍ലമെന്റിനെ ശബ്ദമുഖരിതമാക്കിയ ബി.ജെ.പി എം.പിമാര്‍ക്ക് അതേ നാണയത്തില്‍ മറുപടി നല്‍കിയാണ് ഉവൈസി തന്റെ നിലപാട് വ്യക്തമാക്കിയത്.

ഉവൈസിയെ സത്യപ്രതിജ്ഞയ്ക്കായി ക്ഷണിച്ചതിനു പിന്നാലെ അദ്ദേഹം മുന്നോട്ടേക്ക് കടന്നുവന്നുകൊണ്ടിരിക്കെയാണ് എം.പിമാര്‍ ഭാരത് മാതാ കി ജയ്, ജയ് ശ്രീറാം എന്നിങ്ങനെ മുദ്രാവാക്യം വിളിച്ചത്. മുദ്രാവാക്യം വിളിച്ച എം.പിമാരോട് ഉറക്കെ വിളിക്കാന്‍ ആംഗ്യം കാണിച്ചു ഉവൈസി. തുടര്‍ന്ന് സത്യവാചകം ചൊല്ലിയ ഉവൈസി 'ജയ് ഭീംജയ് മീം, തക്ബീര്‍ അല്ലാഹു അക്ബര്‍, ജയ് ഹിന്ദ്' എന്നു പറഞ്ഞുകൊണ്ടാണ് പ്രതിജ്ഞ അവസാനിപ്പിച്ചത്.

'എന്നെ കാണുമ്പോള്‍ അവര്‍ ഇത്തരം കാര്യങ്ങള്‍ ഓര്‍ക്കുന്നത് നല്ലതാണ്. മുസാഫര്‍പൂരിലെ കുട്ടികളുടെ മരണവും ഭരണഘടനയുമൊക്കെ അവര്‍ ഓര്‍ക്കുമെന്നും ഞാന്‍ കരുതുന്നു.' സത്യപ്രതിജ്ഞക്കു ശേഷം ഉവൈസി പറഞ്ഞു.

When @asadowaisi comes for oath then suddenly MPs started sloganeering in the Parliament.

He gave it back with "Jai bheem,Jai Meem, Takbeer Allah hu Akbar, Jai Hind"

Savage ????? pic.twitter.com/GzwAQDoq52

— Md Asif Khan‏‎‎‎‎‎‎ آصِف (@imMAK02) June 18, 2019