തളിപ്പറമ്പ് : കേന്ദ്രമന്ത്രി രാജീവ് പ്രതാപ് റൂഡി പരിയാരം നിര്‍മല ഐ.ടി.ഐ സന്ദര്‍ശിച്ചു. ഇന്നലെ ഉച്ചക്ക് ഒന്നരയോടെ എത്തിയ മന്ത്രി ലാബുകളും ക്ലാസ്‌റൂമുകളും സന്ദര്‍ശിച്ച് വിദ്യാര്‍ഥികളോട് സംവദിച്ചു. 41 വര്‍ഷമായി ജെസ്യൂട്ട് ഫാദേഴ്‌സിന്റെ കീഴില്‍ പ്രവര്‍ത്തിച്ചുവരുന്ന സ്ഥാപനം അപ്‌ഗ്രേഡ് ചെയ്യുന്നതിന് ശ്രമം ആരംഭിച്ചതില്‍ മന്ത്രി സംതൃപ്തി പ്രകടിപ്പിച്ചു. പഠന സജ്ജീകരണങ്ങളിലും മന്ത്രി മതിപ്പ് രേഖപ്പെടുത്തി. പ്രിന്‍സിപ്പല്‍ ഫാ. ജോ മാത്യു, മാനേജര്‍ ഫാ. ജേക്കബ് കുമ്മിണിയില്‍, ഫാ. സി.ടി ജോസ്, സാങ്കേതിക വിദ്യാഭ്യാസ ജോ. ഡയരക്ടര്‍ സുനില്‍ ജേക്കബ്, കാസര്‍കോട് ഐ.ടി.ഐ പ്രിന്‍സിപ്പല്‍ കെ. രാജശേഖരന്‍ എന്നിവര്‍ മന്ത്രിയെ സ്വീകരിച്ചു. കുമ്മനം രാജശേഖരന്‍, കെ. രഞ്ജിത്ത്, പി. ബാലകൃഷ്ണന്‍, എ.പി ഗംഗാധരന്‍, ആനിയമ്മ രാജേന്ദ്രന്‍ എന്നിവരും മന്ത്രിയോടൊപ്പം ഉണ്ടായിരുന്നു.