തകഴി: എസ്.കെ.എസ്.എസ്.എഫ് കന്നുമ്മ യൂണിറ്റിന്റെ 11-ാമത് വാര്‍ഷികത്തോടനുബന്ധിച്ചുള്ള ത്രിദിന മതവിജ്ഞാന സദസിന് മര്‍ഹൂം കോട്ടുമല അബൂബക്കര്‍ മുസ്ലിയാര്‍ നഗറില്‍ (കന്നുമ്മ ചന്തക്ക് സമീപം)  തുടക്കം കുറിക്കും.
വൈകുന്നേരം നടക്കുന്ന ഉദ്ഘാടന സമ്മേളനം സ്വാഗത സംഗംചെയര്‍മാന്‍ മുഹമ്മദ് ശാഫി മുസ്ലിയാരുടെ അധ്യക്ഷതയില്‍  എസ്.കെ.എസ്.എസ്.എഫ് സംസ്ഥാന സെക്രട്ടറിയേറ്റ് മെമ്പര്‍ നവാസ് എച്ച്. പാനൂര്‍ ഉദ്ഘാടനം നിര്‍വ്വഹിക്കും. തുടര്‍ന്ന് സക്കീര്‍ ഹുസൈന്‍ അസ്ഹരി ആറാട്ടുപുഴ കളിക്കണ്ട ഖബറാണു മുന്നില്‍ എന്ന വിഷയത്തില്‍ മുഖ്യപ്രഭാഷണം നിര്‍വഹിക്കും. നാളെ രാത്രി നടക്കുന്ന മതവിജ്ഞാന സദസിന് വൈസ് ചെയ്മാന്‍ അബ്ദുല്‍ റഹീംസാഹിബിന്റെ അദ്ധ്യക്ഷതയില്‍ മഅമൂന്‍ ഹുദവി വണ്ടൂര്‍ ആധുനികതയില്‍നിന്ന് ആത്മീയതയിലേക്ക് എന്ന വിഷയത്തില്‍ മുഖ്യ പ്രഭാഷണം നടത്തും.
20ന് രാത്രിയില്‍ നടക്കുന്ന സമാപന സമ്മേളനം സ്വാഗതസംഗം ചെയര്‍മാന്‍ മുഹമ്മദ് ശാഫി മുസ്‌ലിയാരുടെ അധ്യക്ഷതയില്‍ എസ്.കെ.എസ്.എസ്.എഫ് ജില്ല പ്രസിഡന്റ് സയ്യിദ് അബ്ദുള്ള ദാരിമി അല്‍ ഐദറൂസി ഉദ്ഘാടന കര്‍മം നിര്‍വ്വഹിക്കും. ചരിത്രത്തിലെ മഹാമനീഷികള്‍ എന്ന വിഷയത്തില്‍ നസ്വീഹത്തിനും മജ്‌ലിസുന്നൂര്‍ ആത്മീയ സംഗമത്തിനും ദിക്‌റ്, ദുആ, തൗബ മജ്‌ലിസ്സിന് സമസ്ത കേരള ജംഇയ്യത്തുല്‍ ഖുത്തബാഅ ജില്ല പ്രസിഡന്റ് സയ്യിദ് ഹദിയത്തുള്ള തങ്ങള്‍ അല്‍ ഐദറൂസി കൊല്ലം നേതൃത്തം നല്‍കും.