മുക്കം: മൂന്നു ദിവസങ്ങളിലായി നടന്നുവന്ന മുക്കം മാനവോത്സവം സമാപിച്ചു. കാലിക പ്രസക്തമായ നിരവധി വിഷയങ്ങളില്‍ ചര്‍ച്ചയും സംവാദവും പ്രഭാഷണങ്ങളും അരങ്ങേറി.
പുസ്തകമേള, ഫോട്ടോ പ്രദര്‍ശനങ്ങള്‍, നാടകങ്ങള്‍ എന്നിവയും സംഘടിപ്പിച്ചു. സമാപന സമ്മേളനം കാരശ്ശേരി പഞ്ചായത്ത് പ്രസിഡന്റ് വി.കെ വിനോദ് ഉദ്ഘാടനം ചെയ്തു. 'മുക്കത്തിന്റെ സാംസ്‌കാരിക പൈതൃകം' എന്ന വിഷയത്തെ ആസ്പദമാക്കി എം.എന്‍ കാരശ്ശേരി സംസാരിച്ചു. ചടങ്ങില്‍ മുക്കത്തെ ആദ്യകാല കലാപ്രവര്‍ത്തകരെ ആദരിച്ചു. തുടര്‍ന്ന് മുക്കം സലീമിന്റെ നേതൃത്വത്തില്‍ മെഹഫിലും അരങ്ങേറി. എന്‍.എം മുഹമ്മദ് ഹാഷിര്‍ അധ്യക്ഷനായി. പി.കെ ഗണേഷന്‍, ജി.എന്‍ ആസാദ് സംസാരിച്ചു.