പാവറട്ടി: ആരോഗ്യം സംരക്ഷിച്ച് രോഗം ഒഴിവാക്കുക എന്ന ആശയം മുന്‍നിറുത്തി വെന്മേനാട് എ.എം.എല്‍.പി സ്‌കൂളില്‍ വിദ്യാര്‍ഥികള്‍ക്കും രക്ഷിതാക്കള്‍ക്കും പുറമെ വഴിയാത്രക്കാര്‍ക്കും നാട്ടുകാര്‍ക്കും ഔഷധ കഞ്ഞി വിതരണം ചെയ്തു.
പാവറട്ടി ഗ്രാമപഞ്ചായത്ത് വികസന കാര്യ സ്റ്റാന്റിംഗ് കമ്മറ്റി ചെയര്‍മാന്‍ വടക്കയില്‍ അബു ഉദ്ഘാടനം ചെയ്തു. പി.ടി.എ പ്രസിഡന്റ് മുഹമ്മദ് ഇഖ്ബാല്‍ അധ്യക്ഷനായി. ഗ്രാമപഞ്ചായത്ത് മെമ്പര്‍ കെ.ദ്രൗപതി, മാനേജ്‌മെന്റ് പ്രതിനിധി സഗീര്‍, ഒ.എസ്.എ പ്രസിഡന്റ് മുഹമ്മദ് സിംല, എം.പി.ടി.എ പ്രസിഡന്റ് സഫിയ കബീര്‍, പ്രധാനാധ്യാപിക സുമ തോമസ് എന്നിവര്‍ സംസാരിച്ചു.
അധ്യാപകരായ മേരി ജോണ്‍, സലോമി ജോണ്‍, സിബി പി.ടി, മുഹമ്മദ് സക്കരിയ, എം.പി.ടി.എ അംഗങ്ങള്‍ എന്നിവര്‍ നേതൃത്വം നല്‍കി.