വേനല്‍ കാഠിന്യത്തിനറുതിയേകി
ഇതാ മഴമേഘം വന്നെത്തി...
സന്ധ്യതന്‍ പ്രണയവര്‍ണത്തെ
മറച്ചുകൊണ്ട് കാര്‍മേഘം
സഞ്ചാരയജ്ഞമാരംഭിച്ചു...
തെളിമാനമെല്ലാം ഇന്ന് നിന്നെ
പുണരുന്ന പകലുകള്‍...
ഒഴുകിയെത്തുന്ന തെളിമാനത്തെ
ആലിംഗനം ചെയ്യാന്‍ വെമ്പുന്ന
കാര്‍മേഘം വര്‍ണനാതീതമായി...
ഇളംകാറ്റിനൊപ്പം വന്നുചേരുന്ന
പുതുമണ്ണിന്‍ ഗന്ധം
ഓര്‍മകളിലേക്ക് തിരശ്ശീല ഉയര്‍ത്തുന്നു...
കാര്‍മേഘം തന്‍ മൃദുപരിലാളനമേറ്റ്
പുതുനാമ്പുകള്‍ വിടരുകയായി..
നിന്‍ ചുംബനമേല്‍ക്കാന്‍ കാത്തുനിന്ന
പ്രണയിനിയായ ഭൂമി തരളിതയായി...