നാദാപുരം: മാഹിയില്‍ നിന്നു ബസില്‍ കടത്താന്‍ ശ്രമിച്ച മദ്യവുമായി യുവാവ് പിടിയിലായി. കഴിഞ്ഞദിവസം കായപ്പനച്ചിയില്‍ വച്ചു നടത്തിയ വാഹനപരിശോധനയ്ക്കിടെയാണ് വിലങ്ങാട് സ്വദേശി മണി (34)യെ നാദാപുരം എക്‌സ്‌സൈസ് സംഘം പിടികൂടിയത്.
വില്‍പ്പയ്‌നക്കായി ബസില്‍ കൊണ്ടുവരികയായിരുന്ന 25 കുപ്പി മാഹി നിര്‍മിത മദ്യം ഇയാളില്‍ നിന്നു പിടികൂടി. പ്രതിയെ നാദാപുരം ഫസ്റ്റ്ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി. കോടതി ഇയാളെ 14 ദിവസത്തേക്കു റിമാന്‍ഡ് ചെയ്തു. പ്രവന്റിവ് ഓഫിസര്‍ എന്‍.കെ വിനോദന്‍, സി.ഇ.ഒമാരായ സി.എം സുരേഷ്‌കുമാര്‍, കെ.എന്‍ ജിജു, ടി.കെ രഞ്ജിനി, എന്‍.കെ നിഷ എന്നിവര്‍ സംഘത്തിലുണ്ടായിരുന്നു.