കൊച്ചി: കേരള വ്യാപാരി വ്യവസായി ഏകോപന സമിതി കലൂര്‍ യൂനിറ്റിലെ അംഗങ്ങള്‍ക്കായി രൂപീകരിച്ച കലൂര്‍ വ്യാപാരി വ്യവസായി വെല്‍ഫെയര്‍ സൊസൈറ്റി വായ്പനല്‍കി. 25 അംഗങ്ങള്‍ക്ക് രണ്ടു ലക്ഷം രൂപ വീതവും 25 അംഗങ്ങള്‍ക്ക് ഒരു ലക്ഷം രൂപ വീതവും വിതരണം ചെയ്തു.
കേരള വ്യാപാരി വ്യവസായി ഏകോപന സമിതി എറണാകുളം ജില്ലാ പ്രസിഡന്റ് പി.എ.എം ഇബ്രാഹിം ചെക്കുകള്‍ വിതരണം നടത്തി ഉദ്ഘാടനം ചെയ്തു.
കെ.എ നാദിര്‍ഷ അധ്യക്ഷനായി. ടി.കെ മൂസ സ്വാഗതം പറഞ്ഞു. പാലാരിവട്ടം മേഖല പ്രസിഡന്റ് സി.എസ് രാമചന്ദ്രന്‍, കതൃക്കടവ് യൂണിറ്റ് പ്രസിഡന്റ് പി.എ സ്റ്റീഫന്‍, വനിതാവിങ് പ്രസിഡന്റ് ജയാപീറ്റര്‍, ഷിരണ്‍ സേവ്യര്‍, ഒ.എ അബ്ദുള്‍ ഖാദര്‍ തുടങ്ങിയവര്‍ സംസാരിച്ചു. എന്‍.എം കോയമോന്‍ യോഗത്തിന് നന്ദി പറഞ്ഞു.