കോതമംഗലം: നഗരസഭ ഒഫിസിന് എതിര്‍വശം വനം വകുപ്പ് സ്ഥലത്ത് മാലിന്യ കൂമ്പാരങ്ങള്‍ക്കിടയില്‍ പാര്‍ക്ക് ചെയ്തിരുന്ന ബൈക്കിന് സമീപത്തായി ദേശീയപതാക അലക്ഷ്യമായി ഉപേക്ഷിച്ച നിലയില്‍ കണ്ടെത്തി. ദേശീയപതാക മാലിന്യങ്ങള്‍ക്കിടയില്‍ എങ്ങനെ വന്നുവെന്ന് വ്യക്തമായിട്ടില്ല. ദേശീയപതാക ഉയര്‍ത്തുവാന്‍ അവകാശമുള്ള ഒട്ടേറെ സ്ഥാപനങ്ങള്‍ക്ക് സമീപത്തായി പതാക കാണപ്പെട്ടത് സംഭവത്തിന്റെ ഗൗരവം വര്‍ധിപ്പിക്കുന്നുണ്ട്. കോതമംഗലം പൊലിസ് സംഭവസ്ഥലത്തെത്തി ദേശീയപതാക സ്റ്റേഷനിലേക്ക് മാറ്റി.യഥാര്‍ത്ഥ എണ്ണത്തിലധികം എണ്ണം ആരക്കാലുകള്‍ പതാകയില്‍ ഉള്ളതായി പൊലിസ് വ്യക്തമാക്കി.