മാനന്തവാടി: ജലസംരക്ഷണം ഏറ്റെടുക്കാന്‍ സമൂഹം തയാറാവണമെന്നും ജലം അമൂല്യ വസ്തുവായി മാറുന്ന കാലഘട്ടത്തില്‍ മഴവെള്ളം ഓരോ തുള്ളിയും സംരക്ഷിക്കാന്‍ നാം ബാധ്യസ്ഥരാണെന്നും യൂത്ത് ലീഗ് സംസ്ഥാന വൈസ് പ്രസിഡന്റ് പി ഇസ്മായില്‍ പ്രസ്താവിച്ചു.
മാനന്തവാടി നിയോജക മണ്ഡലം ജല സഭയുടെ ഉദ്ഘാടനം കുഴിനലത്ത് നിര്‍വഹിച്ച് കൊണ്ട് സംസാരിക്കുകയായിരുന്നു അദ്ദേഹം. മണ്ഡലം പ്രസിഡന്റ് യൂനുസലി അധ്യക്ഷനായി. ജില്ലാ പ്രസിഡന്റ് ഹാരിസ് കണ്ടിയന്‍, ഹാരിസ് കാട്ടിക്കുള, സജയന്‍ കെ.എസ്, പ്രദീഷ് പഴശ്ശി, കെ.എസ് നീരജ, വി.ഡി അരുണ്‍കുമാര്‍, പി മൊയ്തുട്ടി, കബീര്‍ മാനന്തവാടി, ജാഷിര്‍, മുജീബ് വാരാമ്പറ്റ സംസാരിച്ചു. പ്രകൃതിസംരക്ഷണ പ്രവര്‍ത്തകനായ ബാലുവിനെ ചടങ്ങില്‍ ആദരിച്ചു. ജലസഭ ബജറ്റ് സാലിമ പള്ളിതൊടി അവതരിപ്പിച്ചു. യൂത്ത്‌ലീഗ് ജനറല്‍ സെക്രട്ടറി ഹുസൈന്‍ കുഴിനിലം സ്വാഗതം പറഞ്ഞു.