കുന്നംകുളം: പെരുമ്പിലാവ് നഗരസമധ്യത്തില്‍ നടത്തുന്ന കാന നിര്‍മാണം പൂര്‍ത്തിയാക്കത്തതില്‍ വ്യാപാരികള്‍ക്ക് പ്രതിഷേധം.
നിര്‍മാണം നടക്കുന്ന ഭാഗത്തുളള പല വ്യാപാരസ്ഥാപനങ്ങളും അടച്ചിട്ടിരിക്കുകയാണ്. കടകളിലേക്കുളള വഴികള്‍ പൊളിച്ചിട്ടിരിക്കുന്നതിനാല്‍ ആളുകള്‍ക്ക് എത്താനാകുന്നിലെന്ന് വ്യാപാരികള്‍ പരാതിപ്പെട്ടു. കാനയില്‍ നിന്നു മാന്തിയെടുത്ത മാലിന്യങ്ങള്‍ റോഡരികില്‍ കൂട്ടിയിരിക്കുന്നതും ഉപഭോക്താക്കളെ അകറ്റുന്നുണ്ട്. നിലവില്‍ മൂന്നോ നാലോ തൊഴിലാളികള്‍ മാത്രമാണ് പണിക്കുളളത്. ഇങ്ങനെ തുടര്‍ന്നാല്‍ പണി മാസങ്ങളോളം നീളുമെന്നാണ് വ്യാപാരികളുടെ ആശങ്ക.
കാന നിര്‍മാണം എത്രയും വേഗം പൂര്‍ത്തിയാക്കണമെന്നും അവര്‍ ആവശ്യപ്പെടുന്നു. നിര്‍മാണം പൂര്‍ത്തിയായ ഇടങ്ങളില്‍ സ്ലാബിട്ടു കടകളിലേക്കുളള സഞ്ചാരം സാധ്യമാക്കണമെന്നും അവര്‍ ആവശ്യപ്പെട്ടു.