ലിവര്‍പൂള്‍: യുവേഫ നാഷന്‍സ് ലീഗില്‍ ഇംഗ്ലണ്ടിന് തോല്‍വി. കഴിഞ്ഞ ദിവസം നടന്ന മത്സരത്തില്‍ ബെല്‍ജിയമാണ് ഇംഗ്ലണ്ടിനെ പരാജയപ്പെടുത്തിയത്. എതിരില്ലാത്ത രണ്ട് ഗോളിനായിരുന്നു ഇംഗ്ലണ്ടിന്റെ തോല്‍വി. ആദ്യ 30 മിനുട്ടിനുള്ളില്‍ തന്നെ ഇംഗ്ല@ണ്ട് ര@ണ്ട് ഗോളുകള്‍ക്ക് പിറകിലായിരുന്നു. 10ാം മിനുട്ടില്‍ യൂറി ടെലമെന്‍സാണ് ബെല്‍ജിയത്തിനായി ലീഡ് നല്‍കിയത്.
അധികം താമസിയാതെ 23ാം മിനുട്ടില്‍ മെര്‍ടന്‍സിലൂടെ ബെല്‍ജിയം ലീഡ് ഇരട്ടിയാക്കുകയും ചെയ്തു. ഇംഗ്ല@ണ്ട് മത്സരത്തിലേക്ക് തിരികെ വരാന്‍ ശ്രമങ്ങള്‍ നടത്തിയെങ്കിലും ബെല്‍ജിയം ഡിഫന്‍സിനെ മറികടക്കാന്‍ അവര്‍ക്കായില്ല. മറ്റൊരു മത്സരത്തില്‍ എതിരില്ലാത്ത രണ്ട് ഗോളിന് ഇറ്റലി പോളണ്ടിനെ പരാജയപ്പെടുത്തി. ജോര്‍ജിഞ്ഞോ (27), ഡൊമനികോ ബെറാന്‍ഡി (83) എന്നിവരാണ് ഇറ്റലിക്ക് വേണ്ടി ഗോള്‍ സ്വന്തമാക്കിയത്. ജയത്തോടെ ഇറ്റലി ഗ്രൂപ്പില്‍ ഒന്നാമതെത്തി. 5 മത്സരത്തില്‍ ഒമ്പത് പോയിന്റാണ് ഇറ്റലിക്കുള്ളത്. ഹംഗറി - സെര്‍ബിയ മത്സരം 1-1ന് അവസാനിച്ചു. എതിരില്ലാത്ത ഒരു ഗോളിന് ചെക്ക് റിപ്പബ്ലിക് ഇസ്രയേലിനെ പരാജയപ്പെടുത്തി.