തൃക്കരിപ്പൂര്‍: ഗ്രാമപഞ്ചായത്തിന്റെ പ്ലാസ്റ്റിക് മാല്‍ന്യ ശേഖരണ പദ്ധതി പാളി. തൃക്കരിപ്പൂര്‍ തങ്കയം താലൂക്ക് ആശുപത്രി റോഡില്‍ മാലിന്യ കൂമ്പാരം.  
പ്ലാസ്റ്റിക് മാലിന്യ ശേഖരണ പദ്ധതിയിലേക്ക് പ്ലാസ്റ്റിക് മാലിന്യം ശേഖരിക്കാന്‍ പ്രത്യേക ദിവസങ്ങളില്‍ വാഹനം എത്തുമെന്നാണ് അറിയിച്ചിരുന്നത്.
ഇതിന്റെ അടിസ്ഥാനത്തില്‍ വീടുകളില്‍ നിന്ന് പ്ലാസ്റ്റിക് മാലിന്യം ശേഖരിച്ച് പ്ലാസ്റ്റിക് ബാഗില്‍ കെട്ടി തങ്കയം ആശുപത്രി റോഡില്‍ അടുക്കിവെച്ചിരുന്നുവെങ്കിലും ഒരു മാസം പിന്നിട്ടിട്ടും പ്ലാസ്റ്റിക് മാലിന്യം നീകം ചെയ്യാന്‍ പഞ്ചായത്ത് അധികൃതര്‍ എത്തിയിരുന്നില്ല.
ഇതിനിടെ ഇവിടെ മറ്റു മാലിന്യങ്ങള്‍ നിക്ഷേപിക്കുന്ന അവസ്ഥയിലായി. കല്യാണ സദ്യയുടെ മാലിന്യങ്ങള്‍ വരെ ഇവിടെ തള്ളിയിട്ടുണ്ട്. തെരുവു നായ്ക്കള്‍ അടക്കം മാലിന്യങ്ങള്‍ വലിച്ചിഴച്ച് റോഡിലേക്ക് വരെ എത്തിച്ചു.
ഇത് പരിസരങ്ങളില്‍ താമസിക്കുന്നവര്‍ക്കും ബുദ്ധിമുട്ട് സൃഷ്ടിക്കുന്നുണ്ട്. മാത്രമല്ല പുലര്‍ച്ചെ മദ്‌റസയിലേക്ക് പോകുന്ന കുട്ടികള്‍ക്കും, പ്രഭാത സവാരിക്കാര്‍ക്കും മാലിന്യം ഭക്ഷിക്കാനെത്തുന്ന തെരുവ് നായ്ക്കളുടെ ഭീഷണൈയും ചില്ലറയല്ല.