കല്ല്യാശ്ശേരി: ഇടതുപക്ഷത്തെ പ്രത്യേകിച്ച് സി.പി.എമ്മിനെ ഇല്ലായ്മ ചെയ്യാനാണ് ബി.ജെ.പി ശ്രമിക്കുന്നതെന്നു മുഖ്യമന്ത്രി പിണറായി വിജയന്‍. കല്യാശേരിയില്‍ ഇ.കെ നായനാര്‍ മന്ദിരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സി.പി.എമ്മിന് സ്വാധീനമുള്ള മേഖലകളിലിലെല്ലാം എതിര്‍ക്കാനായി എല്ലാ ശക്തികളേയും കൂട്ടുപിടിക്കാനാണ് ബി.ജെ.പി ശ്രമം. ത്രിപുരയില്‍ പോലും ഇപ്പോള്‍ അത്തരം നീക്കമാണ് നടത്തുന്നതെന്നും പിണറായി പറഞ്ഞു. ഒ.വി നാരായണന്‍ അധ്യക്ഷനായി. സി.പി.എം കേന്ദ്ര കമ്മിറ്റിയംഗം ഇ.പി ജയരാജന്‍, എം.എല്‍.എ, പി.കെ ശ്രീമതി എം.പി, എം.വി ജയരാജന്‍, പി. ജയരാജന്‍, എം.വി ഗോവിന്ദന്‍ ,ടി.വി രാജേഷ് എം.എല്‍.എ, നായനാരുടെ പത്‌നി കെ.പി ശാരദ, ടി. ചന്ദ്രന്‍ സംസാരിച്ചു.