മുക്കം: കൊടിയത്തൂര്‍ വാദിറഹ്മ ഇംഗ്ലീഷ് മീഡിയം സ്‌കൂളിലെ അധ്യാപികയെ തൊട്ടടുത്ത പി.ടി.എം ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികള്‍ അക്രമിച്ചതായി പരാതി. രണ്ടു ദിവസം മുന്‍പ് സ്‌കൂളിലെ അധ്യാപിക മന്‍സൂറ ടീച്ചര്‍ സഞ്ചരിച്ച കാറിന് മുന്നില്‍ വിദ്യാര്‍ഥികള്‍ വിലങ്ങുനിന്നപ്പോള്‍ സംഭവം അവരുടെ വീട്ടില്‍ പറയുമെന്ന് ടീച്ചര്‍ പറഞ്ഞിരുന്നു. ഇതില്‍ അരിശംപൂണ്ട വിദ്യാര്‍ഥികള്‍ ഇന്നലെ സ്‌കൂള്‍ വിട്ടു വീട്ടിലേക്ക് മടങ്ങുകയായിരുന്ന ടീച്ചറുടെ കാര്‍ തടഞ്ഞു നിര്‍ത്തുകയും വലിച്ച് പുറത്തിട്ട് അക്രമിക്കുകയുമായിരുന്നു. 15ഓളം വരുന്ന വിദ്യാര്‍ഥികളാണ് അക്രമം നടത്തിയതെന്നും പരാതിയിലുണ്ട്. രണ്ടു സ്‌കൂളിലെയും അധ്യാപകര്‍ എത്തിയതോടെ വിദ്യാര്‍ഥികള്‍ ഓടിരക്ഷപ്പെടുകയായിരുന്നു. മുക്കം പൊലിസ് അന്വേഷണം ആരംഭിച്ചിട്ടുണ്ട്.