ചങ്ങരംകുളം: ആലംങ്കോട് പഞ്ചായത്തില്‍ തരിശ് നിലത്തില്‍ നെല്‍കൃഷി പദ്ധതിക്ക് തുടക്കമായി. വര്‍ഷങ്ങളായി തരിശായി കിടന്നിരുന്ന നിലത്തില്‍ കുടുംബശ്രീ യൂനിറ്റുകളെ ഉപയോഗപ്പെടുത്തിയാണ് പദ്ധതി നടപ്പാക്കുന്നത്. ആദ്യഘട്ടമെന്നോണം പന്താവൂര്‍ പാടത്ത് പദ്ധതിക്ക് തുടക്കം കുറിച്ചു. പെരുമ്പടപ്പ് ബ്ലോക്ക് പ്രസിഡന്റ് ആറ്റുണ്ണി തങ്ങള്‍ പരിപാടി ഉദ്ഘാടനം ചെയ്തു. പഞ്ചായത്ത് പ്രസിഡന്റ് ആയിഷ ഹസന്‍ അധ്യക്ഷയായി. ഇ.ആര്‍ ലിജേഷ്, മറിയക്കുട്ടി കബീര്‍, സുജിത സുനില്‍, ശശിധരന്‍, സിദ്ദിഖ് പന്താവൂര്‍ സംസാരിച്ചു.