വാഷിങ്ടണ്‍; അമേരിക്കക്ക് ഇപ്പോഴാണ് അവരുടെ ആദ്യ വനിതാ വൈസ് പ്രസിഡന്റ് ഉണ്ടായതെങ്കില്‍ ഇന്ത്യ 50 വര്‍ഷം മുമ്പു തന്നെ വനിതാ പ്രധാനമന്ത്രി തെരഞ്ഞെടുത്തെന്ന് കോണ്‍ഗ്രസ് നേതാവ് പ്രിയങ്ക ഗാന്ധി. ഇന്ദിരാഗാന്ധിയുടെ ജന്മദിനത്തില്‍ ആദരാഞ്ജലികള്‍ അര്‍പ്പിച്ചുകൊണ്ടാണ് പ്രിയങ്കയുടെ പ്രതികരണം. ഇന്ദിരയുടെ ആര്‍ജ്ജവവും ധൈര്യവും ലോകമെങ്ങുമുള്ള സ്ത്രീകള്‍ക്ക് പ്രചോദനമാണെന്നും അവര്‍ കൂട്ടിച്ചേര്‍ത്തു.

1917 നവംബര്‍ 19നാണ് ഇന്ദിരയുടെ ജനനം. ഇന്ത്യയുടെ ആദ്യ വനിതാ പ്രധാനമന്ത്രിയായി അവര്‍ 1966ലാണ് ചുമതലയേറ്റത്. 77വരെ ഭരിച്ചു. പിന്നീട് 1980ലും അവര്‍ പ്രധാനമന്ത്രിയായി. പ്രധാനമന്ത്രി പദത്തിലിരിക്കെ 1984ലാണ് ഇന്ദിര കൊല്ലപ്പെടുന്നത്.