പറവൂര്‍: ഗോതുരുത്ത് വള്ളംകളി കാണാനെത്തിയ യുവാവ് പെരിയാറില്‍ മുങ്ങി മരിച്ചു. കൊട്ടുവള്ളിക്കാട് വലിയവീട്ടില്‍ രാമദാസിന്റെ മകന്‍ അതുല്‍ദാസ് (21) ആണ് മരിച്ചത്.
അതുല്‍ദാസ് മൂത്തകുന്നം ക്ഷേത്ര കരയില്‍ നിന്നു സുഹൃത്തായ സായന്തിനൊപ്പം ഗോതുരുത്ത് കരയിലേക്കു നീന്താന്‍ ശ്രമിക്കവേ മുങ്ങിപ്പോവുകയായിരുന്നു.
സായന്തിനെ നാട്ടുകാര്‍ രക്ഷപ്പെടുത്തി. വള്ളംകളിയുടെ സമ്മാനദാനം കഴിഞ്ഞ് കാണികള്‍ പിരിഞ്ഞുതുടങ്ങിയ സമയത്താണ് സംഭവം.ആറു മണിയോടെയാണു മൃതദേഹം കണ്ടെത്തിയത്.
മൃതദേഹം പറവൂര്‍ താലൂക്ക് ആശുപത്രി മോര്‍ച്ചറിയിലേക്കു മാറ്റി.പോസ്റ്റുമോര്‍ട്ടത്തിനുശേഷം ഇന്നു 11നു വീട്ടുവളപ്പില്‍ സംസ്‌കരിക്കും. ഇലക്ട്രിക്കല്‍ ജോലിക്കാരനാണ്. മാതാവ്: ഷീജ (മുന്‍ പറവൂര്‍ ബ്ലോക്ക് പഞ്ചായത്ത് അംഗം). സഹോദരി: ആവണി (പ്ലസ്‌വണ്‍ വിദ്യാര്‍ഥി).