കണ്ണൂര്‍: അധികാരം നിലനിര്‍ത്താന്‍ വിലകുറഞ്ഞ രാഷ്ട്രീയ തന്ത്രം പയറ്റുകയാണ് മോദി സര്‍ക്കാരും സംഘ്പരിവാറുമെന്ന് മന്ത്രി എം.എം മണി. അഴീക്കോടന്‍ ദിനാചരണത്തിന്റെ ഭാഗമായി പയ്യാമ്പലത്ത് അനുസ്മരണ പ്രഭാഷണം നടത്തുകയായിരുന്നു അദ്ദേഹം.കോണ്‍ഗ്രസ് സര്‍ക്കാരിന്റെ ദുര്‍ഭരണവും കെടുകാര്യസ്ഥതയും ഉപയോഗപ്പെടുത്തിയും വര്‍ഗീയ കലാപങ്ങളിലൂടെ അതിശക്തമായ സാമുദായിക ധ്രുവീകരണം സൃഷ്ടിച്ചുമാണ് നാലു വര്‍ഷം മുന്‍പ് ബി.ജെ.പി അധികാരത്തില്‍ വന്നത്. തെരഞ്ഞെടുപ്പ് അടുത്തതോടെ വീണ്ടും വര്‍ഗീയത ശക്തിപ്പെടുത്തുകയാണ്. കോണ്‍ഗ്രസാണ് ഗാന്ധി ഘാതകരുടെ കൈകളിലേക്കു രാജ്യഭരണം എത്തിച്ചതെന്നും എം.എം മണി ആരോപിച്ചു.