കോഴിക്കോട്: കുറ്റിച്ചിറ സിയെസ്‌കൊ മെറിറ്റ് ഈവനിങ്ങ് സംഘടിപ്പിച്ചു. തെക്കേപ്പുറം പ്രദേശത്തെ എന്‍ട്രന്‍സ്, പ്ലസ് ടു, എസ്.എസ്.എല്‍.സി. പരീക്ഷകളിലെ ഉന്നത വിജയം കരസ്ഥമാക്കിയ വിദ്യാര്‍ഥികളെ കുറ്റിച്ചിറ ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ നടന്ന ചടങ്ങില്‍ ആദരിച്ചു.
എം.കെ രാഘവന്‍ എം.പി ഉദ്ഘാടനം ചെയ്തു. സിയെസ്‌കൊ പ്രസിഡന്റ് ഡോ. ഒ.പി മുഹമ്മദലി അധ്യക്ഷത വഹിച്ചു. സിയെസ്‌കൊ വൈസ് പ്രസിഡന്റ് സന്നാഫ് പാലക്കണ്ടി റിപ്പോര്‍ട്ടവതരണം നടത്തി. പുരുഷന്‍ കടലുണ്ടി എം.എല്‍.എ വെബ്‌സൈറ്റ് ലോഞ്ചിങ് നിര്‍വഹിച്ചു. കോഴിക്കോട് കോര്‍പറേഷന്‍ കൗണ്‍സിലര്‍ സി.പി ശ്രീകല സിയെസ്‌കൊ സീനിയര്‍ സിറ്റിസണ്‍ ചെയര്‍മാന്‍ പി.എം മുഹമ്മദലി എന്നിവര്‍ ചടങ്ങിന് ആശംസകളര്‍പ്പിച്ചു സംസാരിച്ചു. അഖിലേന്ത്യ മെഡിക്കല്‍ എന്‍ട്രന്‍സ് പരീക്ഷയില്‍ 164 റാങ്കും കേരള എന്‍ട്രന്‍സില്‍ 14 റാങ്ക് നേടിയ ഫായിസ് മൂസയെയും സിയസ്‌കൊ ഐ.ടി.ഐ വിദ്യാര്‍ഥി സ്‌കില്‍ ഓട്ടോ മൊബൈലില്‍ സൗത്ത് ഇന്ത്യയില്‍ ഒന്നാം റാങ്ക് നേടിയ മുഹമ്മദ് ഷറഫുദ്ധീനെയും എന്‍ജിനീയറിങ് പരീക്ഷയില്‍ റാങ്ക് കരസ്ഥമാക്കിയ മിര്‍സാദ് അലി സി.വി യെയും ചടങ്ങില്‍ ഉപഹാരം നല്‍കി ആദരിച്ചു. സിയെസ്‌കൊ ട്രഷറര്‍ പി.പി. അബ്ദുല്ല കോയ, വൈസ് പ്രസിഡന്റ് ബി.വി. അഷ്‌റഫ്, സര്‍ഷാര്‍ എസ്, പി.വി.സി യൂനുസ് എന്നിവര്‍ സംസാരിച്ചു. സിയെസ്‌കൊ ജനറല്‍ സെക്രട്ടറി പി.എന്‍ വലീദ് സ്വാഗതവും സിയെസ്‌കൊ സെക്രട്ടറി എസ്.എം സാലിഹ് നന്ദിയും പറഞ്ഞു.