അലനല്ലൂര്‍: കര്‍ക്കിടാംകുന്ന് പാലക്കടവില്‍ നിലാവ് പാലക്കടവിന്റെ ആഭിമുഖ്യത്തില്‍ രക്തദാന - രക്ത ഗ്രൂപ്പ് നിര്‍ണയ ക്യാംപ്, എസ്.എസ്.എല്‍.സി - പ്ലസ്ടു പരീക്ഷകളില്‍ മികച്ച വിജയം നേടിയ വിദ്യാര്‍ഥികളെ അനുമോദിക്കലും സംഘടിപ്പിച്ചു. മൂന്ന് സ്ത്രീകളടക്കം 33 പേര്‍ രക്തനാദം ചെയ്തു. പെരിന്തല്‍മണ്ണ ജില്ലാ ആസ്പത്രിയുടെയും, അലനല്ലൂര്‍ മൈക്രോ ലാബിന്റെയും സഹകരകണത്തോടെയാണ് രക്തദാന - ഗ്രൂപ്പ്  നിര്‍ണ്ണയ ക്യാമ്പ് സംഘടിപ്പിച്ചത്. പരിപാടി ബ്ലോക്ക് പഞ്ചായത്ത് പ്രസിഡന്റ് യൂസഫ് പാലക്കല്‍ ഉദ്ഘാടനം ചെയ്തു. ജില്ലാ പഞ്ചായത്തംഗം എം. ജിനേഷ് പരീക്ഷകളിലെ വിജയികളെ അനുമോദിച്ചു. നിലാവ് പ്രസിഡന്റ് കെ.സി ഷറഫുദ്ദീന്‍ അധ്യക്ഷനായി. പ്രദേശത്തെ പ്രഥമ ഡോക്ടറായ കെ.സി അബ്ദുല്‍ സത്താറിനെ അനുമോദിച്ചു. വില്ലേജ് ഓഫീസര്‍ അബ്ദുറഹിമാന്‍ പോത്തുകാടന്‍, ഇ. അബ്ദുറഹിമാന്‍, ഇ.യൂസഫ് സംബന്ധിച്ചു. ഇ.അബ്ദുല്‍ കരീം സ്വാഗതവും ഇ. ബഷീര്‍ ബിന്‍ ഹംസ നന്ദിയും പറഞ്ഞു.