കോഴിക്കോട്: സുപ്രഭാതം സര്‍ക്കുലേഷന്‍ മാനേജര്‍ ഭാസ്‌കരന്‍ ചേലേമ്പ്ര സര്‍വിസില്‍നിന്ന് വിരമിച്ചു. സുപ്രഭാതം ദിനപത്രം ആരംഭിച്ചതുമുതല്‍ സര്‍ക്കുലേഷന്‍ മാനേജരായിരുന്നു. സുപ്രഭാതം, മംഗളം, ഡെക്കാന്‍ ക്രോണിക്കിള്‍ തുടങ്ങിയ പത്രങ്ങളിലായി 37 വര്‍ഷം സര്‍ക്കുലേഷന്‍ രംഗത്ത് പ്രവര്‍ത്തിച്ചു. ആനുകാലികങ്ങളില്‍ കഥയും കവിതയും എഴുതാറുണ്ട്. സിനിമയിലും നാടകങ്ങളിലും അഭിനയിച്ചിട്ടുണ്ട്. ചെറുകഥക്ക് സാഹിത്യഭൂമി അവാര്‍ഡ് നേടിയിട്ടുണ്ട്. സുപ്രഭാതം സ്റ്റാഫ് വെല്‍ഫയര്‍ ഫോറം ആക്ടിങ് പ്രസിഡന്റും എംപ്ലോയീസ് യൂനിയന്‍ ജോ. സെക്രട്ടറിയുമാണ്. ചേലേമ്പ്ര സ്വദേശിയായ ഭാസ്‌കരന്‍ ഇപ്പോള്‍ കോഴിക്കോട് മീഞ്ചന്തയിലാണ് താമസം.
ഭാര്യ: ഡെയ്‌സി ഭാസ്‌കര്‍. മകള്‍: ശില്‍പ ഭാസ്‌കര്‍ ( മെട്രോ ഹോസ്പിറ്റല്‍). മരുമകന്‍: ആര്‍. രാമചന്ദ്രന്‍ (ഗുഡ്‌വില്‍ എറണാകുളം).