കുറ്റ്യാടി: മരുതോങ്കര പഞ്ചായത്തിന്റെ വിവിധ ഭാഗങ്ങളില്‍ സാമൂഹ്യവിരുദ്ധ ശല്യം രൂക്ഷം. കച്ചേരിതാഴ പാറ ഭാഗത്തു കാത്തിരിപ്പു കേന്ദ്രം തകര്‍ത്തു. ഏതാനും മാസം മുന്‍പ് നാട്ടുകാര്‍ നിര്‍മിച്ച കാത്തിരിപ്പു കേന്ദ്രമാണ് തകര്‍ത്തത്. ശനിയാഴ്ച അര്‍ധരാത്രിയോടെയാണ് സംഭവമെന്ന് കരുതുന്നു. ജനകീയം ജീപ്പുകള്‍ സര്‍വിസ് നടത്തുന്ന മേഖലകൂടിയാണിത്. കോണ്‍ക്രീറ്റില്‍ ഉറപ്പിച്ച ഇരുമ്പുതൂണ്‍ പിഴുതെടുക്കുകയും മേല്‍ക്കൂരയുടെ ഷീറ്റ് കുത്തിക്കീറി നശിപ്പിക്കുകയും ചെയ്തിട്ടുണ്ട്. കുറ്റ്യാടി സി.ഐ ടി. സജീവന്റെ നേതൃത്വത്തില്‍ പൊലിസ് സ്ഥലത്തെത്തി പരിശോധന നടത്തി.