മാവൂര്‍: പുവ്വാട്ടുപറമ്പ് തിരുപറമ്പത്ത് നന്മ സ്വയംസഹായ സംഘത്തിന്റെ കീഴില്‍ സംഘടിപ്പിച്ച കുടുംബസംഗമവും പഠനോപകരണ വിതരണവും അഡ്വ. പി.ടി.എ റഹീം എം.എല്‍.എ ഉദ്ഘാടനം ചെയ്തു.
വാര്‍ഡ് മെംബര്‍ പി.കെ ഷറഫുദ്ദീന്‍ അധ്യക്ഷനായി. മുതിര്‍ന്ന പൗരന്‍ ചെറിയക്കനെ ചടങ്ങില്‍ ആദരിച്ചു. നന്മ അംഗങ്ങള്‍ക്കുള്ള ഉപഹാര സമര്‍പ്പണവും എം.എല്‍.എ നിര്‍വഹിച്ചു. പഠനോപകരണങ്ങള്‍ ബ്ലോക്ക് പഞ്ചായത്ത് പ്രസിഡന്റ് രമ്യ ഹരിദാസും വിദ്യാഭ്യാസ അവാര്‍ഡുകള്‍ പഞ്ചായത്ത് വൈസ് പ്രസിഡന്റ് കുന്നുമ്മല്‍ ജുമൈലയും വിതരണം ചെയ്തു. അയല്‍സഭ പ്രസിഡന്റ് വി.കെ മാമു, നസീബാറായ്, സംഘം സെക്രട്ടറി പി.എം മുഹമ്മദ് റാഫി, സി.എ ഗിരീഷ് നാഥ്, പി. രാജേഷ്  സംസാരിച്ചു.