തിരുവനന്തപുരം: സാലറി ചലഞ്ചില്‍ കാണിച്ച താല്‍പര്യം ജീവനക്കാരുടെ ശമ്പളപരിഷ്‌കരണത്തില്‍ സര്‍ക്കാര്‍ കാണിക്കുന്നില്ലെന്ന് എ.ഐ.സി.സി ജനറല്‍ സെക്രട്ടറി ഉമ്മന്‍ ചാണ്ടി.
ശമ്പളപരിഷ്‌കരണ ദിനാചരണത്തിന്റെ ഭാഗമായി സെറ്റോ നടത്തിയ നിയമസഭാ മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം.

തീരുമാനം സര്‍ക്കാരിന്റെ അവസാന നാളുകളില്‍ എടുത്തശേഷം സാമ്പത്തിക ഭാരം മുഴുവന്‍ അടുത്ത സര്‍ക്കാരിന്റെ തലയില്‍ കെട്ടിവയ്ക്കുകയാണ് തന്ത്രം. പബ്ലിസിറ്റിയുടെ പേരില്‍ കോടിക്കണക്കിന് രൂപ ചെലവഴിക്കാന്‍ സര്‍ക്കാരിന് ഒരു മടിയുമില്ലെന്നും ഉമ്മന്‍ചാണ്ടി പറഞ്ഞു.