കൂത്തുപറമ്പ്: പിണറായി ചേരിക്കലിലെ സി.പി.എം പ്രവര്‍ത്തകന്‍ സി.വി രവീന്ദ്രനെ കൊലപ്പെടുത്തിയ കേസില്‍ ഒരു ആര്‍.എസ്.എസ് പ്രവര്‍ത്തകന്‍ കൂടി അറസ്റ്റിലായി.
എരുവട്ടി പുത്തന്‍കണ്ടത്തെ പ്രനു ബാബു(27)വിനെയാണ് ഡിവൈ.എസ്.പി വി.എന്‍ വിശ്വനാഥന്റെ നേതൃത്വത്തിലുള്ള സംഘം അറസ്റ്റു ചെയ്തത്. മെയ് 19ന് പിണറായിയില്‍ സി.പി.എം തെരഞ്ഞെടുപ്പ് വിജയാഹ്ലാദത്തിനിടെയുണ്ടായ അക്രമത്തിലാണ് രവീന്ദ്രന്‍ കൊല്ലപ്പെട്ടത്. കേസില്‍ ഇതിനകം ഏഴു പ്രതികള്‍ അറസ്റ്റിലായിട്ടുണ്ട്. പ്രനു ബാബുവിനെ കൂത്തുപറമ്പ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി റിമാന്‍ഡു ചെയ്തു.