കൊല്‍ക്കത്ത: നിയമസഭാ തെരഞ്ഞെടുപ്പ് അടുത്ത പശ്ചിമബംഗാളില്‍ സി.പി.എമ്മില്‍ നിന്ന് പ്രവര്‍ത്തകര്‍ കൂട്ടത്തോടെ ബി.ജെ.പിയിലേക്ക്. 480 പ്രവര്‍ത്തകര്‍ സി.പി.എമ്മില്‍ നിന്ന് രാജിവച്ച് ബി.ജെ.പിയില്‍ ചേര്‍ന്നുവെന്ന് ദ ടെലഗ്രാഫ് പത്രം റിപ്പോര്‍ട്ട് ചെയ്തു.

ആര്‍.എസ്.പി, സി.പി.ഐ, പി.ഡി.എസ്, കോണ്‍ഗ്രസ് പാര്‍ട്ടികളില്‍ നിന്നായി 20 പേരും ബി.ജെ.പിയില്‍ ചേര്‍ന്നിട്ടുണ്ട്.

ഈസ്റ്റ്, വെസ്റ്റ് മിഡ്‌നാപുര്‍ ജില്ലയിലാണ് പ്രവര്‍ത്തകര്‍ കൂട്ടത്തോടെ ബി.ജെ.പിയില്‍ ചേര്‍ന്നത്.

ഒക്ടോബറില്‍ സി.പി.എം വിട്ട് ബി.ജെ.പിയില്‍ ചേര്‍ന്ന സ്വദേശ് നായിക്ക് എം.എല്‍.എയെ പിന്തുണച്ച് 1000 പേരും പാര്‍ട്ടിയില്‍ എത്തിയിട്ടുണ്ടെന്ന് ബി.ജെ.പി അവകാശപ്പെട്ടു.