കോഴിക്കോട്: എസ്.കെ.എസ്.എസ്.എഫ് സംസ്ഥാന പ്രവാസി വിങ് കുടുംബസംഗമത്തില്‍ നോര്‍ക്ക റൂട്ട്‌സിന്റെ പ്രത്യേക സെഷന്‍ ഒരുക്കും. ജൂലൈ 10ന് അത്തിപ്പറ്റ ഫത്ഹുല്‍ ഫതാഹ് സെന്ററിലാണ് പരിപാടി.
ഗള്‍ഫ് രാജ്യങ്ങളില്‍ നിന്ന് തിരിച്ചെത്തിയ പ്രവാസികള്‍ക്ക് പുനരധിവാസത്തിനും വിവിധ സംരംഭങ്ങള്‍ക്കും സര്‍ക്കാര്‍, സര്‍ക്കാരേതര ഏജന്‍സികള്‍ നടപ്പിലാക്കുന്ന പദ്ധതികള്‍ പരിചയപ്പെടുത്തുന്നതിനും കുടുംബ കൗണ്‍സലിങ്, ഫാമിലി ബജറ്റ്, സ്‌കില്‍ ഡെവലപ്‌മെന്റ് തുടങ്ങിയ മേഖലകളില്‍ പരിശീലനം നല്‍കുന്നതിനുമാണ് വേദിയൊരുക്കുന്നത്.

സ്ത്രീകള്‍ക്കുകൂടി സൗകര്യമൊരുക്കുന്ന പരിപാടിയില്‍ പ്രവാസികള്‍ നേരിടുന്ന കുടുംബ പ്രശ്‌നങ്ങള്‍, പരിഹാരങ്ങള്‍ തുടങ്ങിയ ചര്‍ച്ച ചെയ്യും. അവധിക്ക് നാട്ടിലെത്തിയവര്‍ക്കും കുടുംബസമേതം പരിപാടിയില്‍ പങ്കെടുക്കും. രാവിലെ 10ന് ആംഭിക്കുന്ന പരിപാടി വൈകിട്ട് അഞ്ചിന് സമാപിക്കും.