ജറുസലേം: സഊദി അറേബ്യയിലെ സന്ദര്‍ശനത്തിനു ശേഷം അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഇസ്‌റാഈലിലെത്തി. ഫലസ്തീന്‍- ഇസ്‌റാഈല്‍ സര്‍ക്കാര്‍ തല ചര്‍ച്ച പുനരാരംഭിക്കാനുള്ള ശ്രമം നടത്തുമെന്നാണ് സൂചന.

പ്രസിഡന്റായതിനു ശേഷമുള്ള അദ്ദേഹത്തിന്റെ ആദ്യ വിദേശ യാത്രയാണിത്. സഊദിയില്‍ വന്നിറങ്ങിയ ട്രംപ് തീവ്രവാദത്തിനെതിരെ മുസ്‌ലിം നേതാക്കള്‍ ഒന്നിച്ച് പോരാടണമെന്ന് ആഹ്വാനം ചെയ്തിരുന്നു.

ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായുള്ള കൂടിക്കാഴ്ചയ്ക്കു ശേഷം ട്രംപ് ജറുസലേമിലേക്കും ബത്‌ലഹേമിലേക്കും പോവും.