പാപ്പിനിശ്ശേരി: അനധികൃതമായി മണല്‍ വാരുന്നതിനിടെ പൊലിസ് പിടികൂടി വളപട്ടണം ബോട്ട്‌ജെട്ടിക്ക് സമീപം നിക്ഷേപിച്ച തോണികള്‍ നീക്കം ചെയ്തു. ബോട്ട് കരയ്ക്കടുപ്പിക്കുന്നതിന് തടസമായിരുന്ന തോണികള്‍ നീക്കം ചെയ്തതോടെ അഞ്ച് ദിവസമായി നിര്‍ത്തി വച്ചിരുന്ന ബോട്ട് സര്‍വിസ് ഇന്നലെ മുതല്‍ പുനരാരംഭിച്ചു. വളപട്ടണം ബോട്ട്‌ജെട്ടിയിലും സ്റ്റോപ് അനുവദിച്ചു.
പുഴയിലെ മുഴുവന്‍ തോണികളും നീക്കം ചെയ്ത് മറുകരയില്‍ എത്തിക്കുന്ന ജോലി വളപട്ടണം ഖലാസികളാണ് ഏറ്റെടുത്തിരിക്കുന്നത്.