കൊടുങ്ങല്ലൂര്‍: ഓട്ടോറിക്ഷയില്‍ നിന്നും പണവും രേഖകളും കവര്‍ന്നു. വടക്കേനടയിലെ ഓട്ടോലാന്‍ഡില്‍ ഓട്ടോ ഓടിക്കുന്ന കാര സ്വദേശി ആനാപ്പുഴ വീട്ടില്‍ ഷൈജുവിന്റെ ഓട്ടോറിക്ഷയില്‍ നിന്നുമാണ് പണവും രേഖകളും കവര്‍ന്നത്. എറിയാട് ചേരമാന്‍ പരിസരത്ത് നിര്‍ത്തിയിട്ടിരുന്ന ഓട്ടോറിക്ഷയില്‍ നിന്നുമാണ് അയ്യായിരം രൂപയും, ലൈസന്‍സ്, എ.ടി.എം. കാര്‍ഡ് തുടങ്ങിയ രേഖകളും മോഷ്ടിച്ചത്. വാഹനത്തിലെ ബോക്‌സ് കുത്തിതുറന്നാണ് മോഷണം നടത്തിയത്. കൊടുങ്ങല്ലൂര്‍ പൊലിസില്‍ പരാതി നല്‍കി.