തിരുവനന്തപുരം: സംസ്ഥാന വികലാംഗക്ഷേമ കോര്‍പറേഷന്‍ മുഖാന്തിരം സാമൂഹികനീതി വകുപ്പ് നടപ്പിലാക്കുന്ന വിവിധ ക്ഷേമ പദ്ധതികള്‍ക്കായി ഒന്നാംഘട്ടത്തില്‍ സര്‍ക്കാര്‍ 10.07 കോടി രൂപയുടെ ഭരണാനുമതി നല്‍കി. സഹായ ഉപകരണങ്ങള്‍ക്കായി 2.18 കോടിയും സ്‌കൂട്ടറില്‍ സൈഡ് വീല്‍ ഘടിപ്പിക്കുന്നതിനായി രണ്ടു ലക്ഷവും സൂക്ഷ്മ സംരംഭങ്ങള്‍ ആരംഭിക്കുന്നതിന് നാലു ലക്ഷവും 'ശുഭയാത്ര' പദ്ധതിയിലേക്ക് രണ്ടു കോടിയും സംരംഭം തുടങ്ങുന്നവര്‍ക്ക് സബ്‌സിഡി നല്‍കുന്ന പദ്ധതിക്ക് 50 ലക്ഷവും ലോട്ടറി കച്ചവടം നടത്തുന്നവര്‍ക്ക് ധനസഹായം നല്‍കുന്നതിന് 24 ലക്ഷവുമാണ് അനുവദിച്ചത്.