ഫറോക്ക്: ഫറോക്ക് മേഖലയിലെ ഓട്ടുകമ്പനികളില്‍ വിഷു ബോണസ് സംബന്ധിച്ച തര്‍ക്കത്തിന് പരിഹാരമായി. തൊഴിലാളികള്‍ക്ക് 11 ശതമാനം ബോണസ് ലഭിക്കും.
റീജ്യനല്‍ ജോയന്റ് ലേബര്‍ കമ്മീഷനര്‍ കെ.എം സുനിലിന്റെ നേതൃത്വത്തില്‍ നടത്തിയ നാലാം വട്ടം  ചര്‍ച്ചയിലാണ് പരിഹാരമായത്.
നാഷനല്‍ ടൈല്‍സ്, കാലിക്കറ്റ്, ഹിന്ദുസ്ഥാന്‍, വെസ്റ്റ് കോസ്റ്റ് എന്നീ കമ്പനികളിലെ തൊഴിലാളികള്‍ക്കാണ് ബോണസ് നല്‍കാന്‍ തീരുമാനമായത്. ഉടമകളെ പ്രതിനിധീകരിച്ച് മുഹമ്മദ് സല്‍മാന്‍, എം. രാജന്‍, കുഞ്ഞിമൊയ്തീന്‍, യു. മോഹനന്‍ എന്നിവരും തൊഴിലാളി യൂനിയനുകളെ പ്രതിനിധീകരിച്ച് വി. സുബ്രമണ്യന്‍ നായര്‍, നാരങ്ങയില്‍ ശശിധരന്‍, എം. രമേശന്‍, എന്‍. സദാശിവന്‍, പി. ചന്തുകുട്ടി, എം. സതീഷ് കുമാര്‍ എന്നിവരും ചര്‍ച്ചയില്‍ പങ്കെടുത്തു.