മലപ്പുറം: തിരൂര്‍, ഏറനാട്, കൊണ്ടോട്ടി, പെരിന്തല്‍മണ്ണ താലൂക്കുകളിലെ അനധികൃത ചെമ്മണ്ണ് ഖനനം തടയാന്‍ ജിയോളജി - റവന്യൂ വകുപ്പുകളുടെ  ഏകോപനത്തോടെയുള്ള ശക്തമായ നടപടികള്‍ സ്വീകരിക്കണമെന്ന് ജോയിന്റ്  കൗണ്‍സില്‍ ജില്ലാ കമ്മിറ്റി ആവശ്യപ്പെട്ടു. വ്യാപകമായ അനധികൃത മണ്ണെടുപ്പ് പരിസ്ഥിതി ആഘാതം മാത്രമല്ല, സര്‍ക്കാറിന് റോയല്‍റ്റി നഷ്ടവും ഉണ്ടാക്കുന്നതായി സംഘടന അഭിപ്രായപ്പെട്ടു. മണ്ണെടുപ്പിനും കുന്നിടിക്കലിനുമെതിരേ  നടപടി ആവശ്യപ്പെട്ട്  ജോയിന്റ് കൗണ്‍സില്‍ ജില്ലാ ഭാരവാഹികള്‍ ജില്ലാ കലക്ടര്‍ക്ക് നിവേദനം നല്‍കി. എം രാകേഷ് മോഹന്‍, ടി.പി സജീഷ്, എ.ഇ ചന്ദ്രന്‍, സുരേഷ് എ തൊടിയില്‍, ജിസ്‌മോന്‍ പി വര്‍ഗീസ്  എന്നിവര്‍ നിവേദക സംഘത്തിലുണ്ടായിരുന്നു.