കൊണ്ടോട്ടി: സംസ്ഥാന ഹജ്ജ് കമ്മിറ്റിയുടെ കീഴില്‍ കരിപ്പൂരില്‍ നിന്ന് യാത്രയാവുന്ന തീര്‍ഥാടകരുടെ യാത്രാ സൗകര്യം സഊദി എയര്‍ലൈന്‍സ് വിലയിരുത്തി. സഊദി എയര്‍ലൈന്‍സ് ഇന്ത്യാ മാനേജര്‍ ഇബ്‌റാഹിം മുഹമ്മദ് അല്‍ ഖുബ്ബി, ഓപ്പറേഷന്‍ മാനേജര്‍ ഹാനി അല്‍ ജലൂം,എക്‌സിക്യൂട്ടീവ് ഓഫിസര്‍,എസ്.കെ സിങ്, ബ്രാഞ്ച് മാനേജര്‍ അര്‍ജുന്‍, സഊദി ഹജ്ജ് കോ ഓഡിനേറ്റര്‍ സിദ്ധാര്‍ഥ് എന്നിവരാണ് പരിശോധന നടത്തിയത്.

ക്യാംപില്‍ കേന്ദ്ര നിരീക്ഷകരെത്തി
കൊണ്ടോട്ടി: ഹജ്ജ് ക്യാംപ് പ്രവര്‍ത്തനങ്ങള്‍ നിരീക്ഷിക്കാന്‍ കേന്ദ്ര ഹജ്ജ് കമ്മിറ്റിയുടെ രണ്ടു പ്രതിനിധികള്‍ കരിപ്പൂരിലെത്തി. ഖാന്‍ ആസിം അലി, മോയിന്‍ ഹുള്‍ഡ് എന്നിവരാണ് കരിപ്പൂരിലെത്തിയത്. ഇവര്‍ കേരളത്തിലെ ഹജ്ജ് ക്യാംപ് വിലയിരുത്തി സമാപന ദിവസം കേന്ദ്രഹജ്ജ് കമ്മിറ്റിക്ക് റിപ്പോര്‍ട്ട് നല്‍കും.