ശാസ്താംകോട്ട: അജ്ഞാത ജീവി ആടുകളെ കടിച്ചു കൊന്നു. ശൂരനാട് തെക്ക് ഇരവിച്ചിറമഴു പാട്ടുവിള കിഴക്കതില്‍ ഷിബുവിന്റെ അടുകളെയാണ്  കൊന്നത്.ബുധനാഴ്ച രാത്രിയിലാണ് സംഭവം. ഹൈബ്രീഡ് ഇനത്തിലുള്ള ഏഴ്അടുകളില്‍ ആറ് എണ്ണവും അജ്ഞാത ജീവിയുടെ കടിയേറ്റ് ചത്തു. ഷിബുവിന്റെ വീടിനു സമീപത്തെ മറ്റൊരു പുരയിടത്തിലാണ് അടുകളെ വളര്‍ത്തിയിരുന്നത്. ചുറ്റുമതില്‍ ഉണ്ടായിരുന്നതില്‍ ആടുകളെ പൂര്‍ണ സമയവും അഴിച്ചുവിട്ടിരുന്നു. വ്യാഴാഴ്ച രാവിലെ തീറ്റ കൊടുക്കാനായി എത്തിയപ്പോഴാണ് പുരയിടത്തിന്റെ വിവിധ ഭാഗങ്ങളില്‍ ആടുകളെ ചത്ത നിലയില്‍ കണ്ടത്. കഴുത്തുകളില്‍ ഉണ്ടായ മുറിവാണ് മരണകാരണം. വനം വകുപ്പ് ഉദ്യോഗസ്ഥര്‍ സംഭവസ്ഥലം സന്ദര്‍ശിച്ചു.